توفى بعد كتابة وصيته بشهرين.. من هو الفنان تامر ضيائي؟

توفى صباح اليوم الفنان تامر ضيائى بعد مشاجرة مع فرد أمن لأحد المستشفيات المتواجدة بمنطقة التجمع الخامس، عندما توجه تامر ضيائى بصحبة زوجته لمستشفى أورام التجمع الخامس لخضوعها لجلسة كيماوي، وأثناء دخولها حاول تامر ضيائى الدخول معها ليرفض فرد الأمن دخوله طبقا لتعليمات المستشفى فتشاجر معه تامر ضيائي أمام بوابة المستشفى.

وفي هذا التقرير ترصد بوابة أخبار اليوم المحطات الفنية التي قدمها الفنان تامر ضيائي خلال تاريخة الفني .

من هو الفنان تامر ضيائي ؟

1 – اكتشف تامر ضيائي ولعه بالتمثيل في شبابه المبكر، حيث شارك في تقديم العديد من العروض الجامعية.

2 – التحق تامر ضيائي بفريق تمثيل لتقديم مسرحيات بقصور الثقافة.

3 – شارك في العديد من الاعمال المسرحية بعد التحاقة باٍستديو الممثل مع المخرج خالد جلال في مسرح الهناجر .

4 – اكتشف موهبته المخرج فهمي الخولي، والذي أشركه معه في مسرحيات قدمها على مسرح الدولة.

5 – انتقل ضيائي للخطوة التالية من حياته الفنية بمشاركة المخرج سمير عصفوري بعض ورش التمثيل، وهو ما أهله للظهور في التلفزيون لأول مرة في مسلسل أنا وهؤلاء.

6 – امتد نشاط تامر ضيائي الفني منذ بداية القرن الحالي، حيث شارك في أعمال ناجحة منها اللص والكتاب، والجماعة، وحليم، ورقم مجهول.

7 – كما ظهر ضيائي في أكثر من موسم بمسلسل الكبير أوي، حيث قدم دور مدير فندق، وصاحب نادي كرة قدم تحدى فريق شخصية «حزلقوم».

وصية  الفنان تامر ضيائي قبل وفاتة بشهرين :

 توفى صباح اليوم الاربعاء الموافق 17 يوليو الفنان تامر ضيائى بعد مشاجرة مع فرد أمن لأحد المستشفيات المتواجدة بمنطقة التجمع الخامس.
وكان قد كشف  الفنان تامر ضيائي، عن وصيته قبل مماته وذلك عبر صفحته الشخصية موقع التواصل الاجتماعي “فيس بوك”.
وكتب تامر ضيائي علي صفحته الشخصية: ” بوست وصية ده هيفضل باين على صفحتي لحد ما أموت، والحقيقة اللى كلنا عارفينها ومتأكدين منها أننا كلنا ربنا كاتبلنا إننا نموت فى ميعاد محدد غير معروف، وعشان كده كتبت الكلام ده لأنى محتاج حاجات معينة تتعمل وحاجات خايف تتعمل وأنا مش عايز حد يعملها لمجرد إنها معروفة، ووقتها طبعًا مش هعرف أقولها لحد.

«و دي وصيتي»

١) صلاة الجنازة أهم من العزا وهى إللى كل ما العدد زاد كل ما ثوابى ما كان أكتر، فأرجوكم تصلوا عليا.

٢) مش شرط تيجى العزا وياريت لو إتعمل فى البيت أو مكان بسيط بفلوسه تطلعولى صدقة جارية أفضل.

٣) من فضلكم لم يثبت أو يتفق عليه عمل خاتمة قرآن للمتوفى إنها هتوصله، بس مثبت إن الدعاء والصدقة بيوصلوا للميت، فرجاء دى بالذات بلاش وإدعولى الوقت اللى هتقروا فيه جزء فضوا نفسكم وإقعدوا إدعوا فيه.

٤) بلاش صدقة جارية تقليدية وسهله ومش مستفاد بيها يعنى المصاحف كتير فى مصر اوى وكل بيت فيه كتير فممكن نحط الفلوس فى جامع بيتبنى أو كرسى متحرك فى مستشفى يستفادوا بيه المرضى أو دخول مياه لبيت غلابه أو بناء سقف لبيت فقراء، حاجات ناس تستفيد بيها لمدة طويلة.

٥) دى نقطة مهمه اوى بالنسبة ليا .. محدش يقول لحد بتعيط عليه لية، ومتعيطش عشان هو بيتعذب!! الكلام دة غلط، سيبوهم يعيطوا لحد ما يطلعوا كل الشعور اللى عندهم و مفيش حاجه بتقول إن العياط معناه عدم رضا بقضاء ربنا “وأبيضت عيناه من الحزن فهو كظيم”.

٦) أهم حاجة تانى هى الدعاء وبس والصدقة.

٧) من فضلكم تكثفوا الدعاء وقت نزول القبر وتتصدقوا بأى حاجه بنية إن ربنا يجعل قبرى روضه من رياض الجنه ويثبتنى عند السؤال لأن ده أهم وقت ليا وياريت كمان بعد ما تدفنونى تقعدوا معايا شوية ومتستعجلوش تمشوا عشان تونسونى فى ليلة زى دى.

٨) الموت علينا كلنا حق وإحنا كلنا أمانات ربنا وهيردنا تانى، فالحزن على الفراق هونوه على نفسكم بالدعاء ليا عشان أبقى فى سعادة لحد ما أقابلكم تانى.

٩) اللي بيحبوني يدعولى كتير عشان لو مفيش حد يدعيلى.

١٠) ودى مهمة أوى أوى أوى عاوز الكل يسامحني علي اي حاجه عملتها فيه بقصد لو يدون قصد

” اللهم إن كثر موت الفجأة من حولي و كثر موت الشباب غفلة، ف يارب إن كنت أنا القادم فأحسن خاتمتي وارزقني نطق الشهادة عن الموت و يسّر طلوع روحي و هوّن عليّ سكراتي فإني أحب أن ارحل في هدوء و سكينة و طمأنينه، ولا تقبض روحي إلا و انت راضٍ عني لكي اكون عبدا مقبولا عندك حتي أليق بلقائك العظيم و إن كان لي من العمر باقي فأغفر لي ذنوبي و معاصي نفسي الأمّارة بالسوء و أعفو عني و أمحو لي كل ما يعرقل طريقي إليك و ردّني إليك ردّاً جميلاً يارب العالمين”.