كيف ينجح الحب ؟ … كواليس النهايات السعيدة

كتبت : مروة مجدي 

شاهد شاب يتقدم لخطة صديقته بالجامعة بطريقة رومانسية.. قصة حب يشهدها كوبري عباس .. شاب يتقدم لحبيبته بلافته تحتوى على اسمها و طلب زواج

عناوين لم تعد غريبة علينا بل صرنا نقرأها  كتيرا مؤخرا  علي المواقع الالكترونية للصحف الكبيرة وغيرها علي حد سواء و على مواقع  التواصل الاجتماعي 

حاجة جميلة ان الانسان اللي بيحبك يجتهد عشان يفرحك , انه يعلن حبه امام كل الناس  و هو مش مكسوف  . 

فاكرين  كيف كنا بنفرح  بالقصص اللي امهاتنا بتنهيها بالعبارة الشهيره " و عاشوا في تبات و نبات و خلفوا صبيان و بنات " او حتى في الافلام مشهد الفرح قبل كلمة النهاية . 

كلها مشاهد  وقفنا عندها لفترات و اتمنينا اننا ساعتها نكون مكان الابطال و الحالة بتستمر لحد ما البطل و البطلة يوصلوا لبعض  و يتم تكليل حبهم العفيف بالرابط المقدس .

لكن لحظة !!! 

االمرة دي , مش هيكون دا مشهد النهاية  

المرة دي هيكون هو مشهد البداية.

فيلم بعنوان 

" ماذا يحدث بعد تتر النهاية "

وكيف يمكن ان يستمر هذا الحب حتي يعيشوا بالفعل في تبات ونبات ويخلفوا صبيان وبنات فعلا في اسرة سعيدة تبني وتعمر 

الموضوع فعلا اكبر من كدا بكتير !!

اكبر من أهتمام و كلام حلو 

أكبر من الحب الحلال و الحرام 

أكبر من الدقة الي مرة في قلبه 

و مرة على باب بتكو

أكبر من عيلتين بيتقّبلوا بعض 

أكبر من شقة و نيش 

أكبر من شبكة و فرح 

أكبر من شهر عسل 

أكبر من طفل ( نفس جديدة بتتوجد ف الحياة على اديكوا ) 

أكبر من حاجات كتير اوووي 

الموضوع شخص هتشوفيه كـــــــــــــــل يوم الصبح ( و دي مش ديما حاجة حلوة زي ما بيتهئ لكتير مننا )

شخص هيشوفٍك في كل حالاتٍك 

و انتٍ كمان هتشوفيه في كل حالاته 

شكلك الي هيتغير و يمكن انتٍ نفسٍك فجأة تبصي في المراية و تقولي ( هو انا اذاي بقيت كدا ؟! ) 

اهتماماتَك الي هيتحول جزء كبير منها لخضار و بامبرز و غيره 

كائن ميتعداش الربع متر بيقلبلٍك البيت الي كنتي مظبطاه بالشعرة 

محتاجٍك في كل خطوة 

محتاج 150% من اهتمامَك 

واحدة بعد ما شغل البيت و الخلفة تهدها هتحتاجك طول الوقت ترجّعلها ثقتها بنفسها 

حد هيبقى من حقه يعرف انتي رايحة فين و جاية منين !!

career ممكن تضحي بيه خالص او ع الاقل هتحققي قشور منه او لو انتٍ محظوظة هتحققيه كله بس علي مدار زمني اضعاف ما كنتي مخططة 

حتى الفلوس الي لما كانت بتكتر معاك فا تقوم طالع رحلة مع صحابك , هتبقى بتقدمها برضى نفس و طيب خاطر لناس تانية مشاركينك حياتك عشان يفرحوا هما بيها بدالك

يا ترى كل واحد بياخد خطوة الارتباط ( سواء عن حب او جواز تقليدي )

هل بيسأل نفسه هو يقدر ع ال risk دا ولا لا ؟؟؟؟ 

هو مؤهل ليه !!

هو قادر يشيل مسئوليه بيــــت كامل !!

هو متأكد ان دا دي هو الشخص الي هيعينيك على كل دا ؟؟ 

هو دا الشخص الي عايز تشوفه في كل مراحل حياتك الي ممكن توصل لعشرة 20 او كمان 50 سنة !! 

طب متأكد انك هتستحمل تشوفها كل يوم هتستحمل شكلها الي هيتغير هتتقبلي حقوقه الي هتبقى مفروضه عليكي تعمليها ( اكله , شربه , الشقة الي لازم تتنضف ) كل يوم كل يوم !!!

هتستحمل ان جزء ليس بقليل على الاطلاق من حواراتكم هيكون عن ( الانابيب و الكهربا و الفواتير … الخ) ؟!

طب هل انت عندك سعة الصدر انك تعمل كل دااا و تبقى مبسوط ؟؟

طب حاجة تانية هل انت جرئ كفاية انك وقت الاختيار تختار التضحيه بحاجات كتير مهمه في حياتك مقابل الي فات ؟

طب سؤال تاني ..

هو كل الناس الي بتتجووز بتفكر في النقط دي ؟؟؟؟؟؟؟؟؟؟؟ 

ولا فرحتنا بأننا وصلنا للناس الي بنحبهم دلوقتي بتنسينا حياتنا الجاية !!

الرؤية مش ضبابية ولا انا احد اعضاء جمعيات ( الجواز نظام اجتماعي فاشل) بالعكس الجواز عشان نظام اجتماعي لازم يكون ناجح  ربنا سبحانه و تعالى جعل الكون ميتوازنش من غيره  , فا ضروري التخطيط ليه نفسيا قبل ماديا  من البداية خالص من اول التفكير  فيه .

ياعني يا سيدي  و يا ستي يفط الحب حلوة جدا  بس لو جاوبت على الاسئلة الي فاتت هيكون معناها اكبر من كدا… اكبر من شوية معجبين يقولولٍك  ( يا بختك) و من شوية لايكات تجمعهم على الفيسبوك .