المقالات
الشاعر عماد زيور يكتب .. إن بعد اليأس نصر
إن بعد العسر يسر
إن بعد اليأس نصر
العراق ضربوه ف خصر
و اليمن نسفوه ف عصر
و السودان سرقوه بقسر
سوريا تونس ليبيا مصر
قدسنا بقى اورشليم
لو ندر فينا الزعيم
ربنا حافظ كريم
إن بعد العسر يسر
…
يا بلاد خليكي صامدة
إندهي ميادين مساندة
المغول لساها قاعدة
و الشيطان شر و رجيم
إن بعد العسر يسر
…
صحصحيلهم لا تنامي
الضمير فيهم هلامي
الشريف منهم حرامي
والنضيف جواه دميم
إن بعد العسر يسر
…
سمعي الدنيا أذانك
وإضربي أجراس ميدانك
الكنايس دي حنانك
والمساجد صوت رحيم
إن بعد العسر يسر
…
يا أله الكون ساعدنا
خد بإيدنا لحد عيدنا
أحتسبنا إليك شهيدنا
و المصاب جرحه أليم
إن بعد العسر يسر
