المقالات
الشاعر عماد زيور يكتب ..احنا الحقيقة
الصوره المصاحبة للموضوع صورة الشيخ عبد الحميد عيسى مع انور السادات والذي تلقى تعليمه الأول على يديه بالكتاب في قريته ميت ابو الكوم والتي اختارها الشاعر الدكتور عماد زيور
احنا الحقيقة
:::
احنا الحقيقة اللي مافيهاش كدب
و احنا اللي متنا شهيد ف شهيد
و اللي رمونا … رَكَبهم رعب
لما شافونا … بدم جديد
:::
الحلم جوه العين و الراس
و ف القلوب الماظ اخلاص
و لو سألتوا جميع الناس
قالوا علينا كرام و نزيد
:::
و حقنا لما نشوفه
مانتهاونش و نجري عليه
و طبعنا قالع خوفه
ما هو رزقنا الله مراعيه
:::
احنا الضمير و ماهوش غايب
احنا الامل وماهوش شايب
و قلوبنا فيها شباب دايب
بأرادة حرة يا باشا يا بيه
:::
بلاش تهوب من ناحية
تكون تخصنا و حياتك
حتقضى ف سباق الضاحية
لحد آخر اوقاتك
:::
احنا الغلابة اللي بتقدر
على الديابة اللي بتغدر
حتمشي و تنور اخضر
او تستلقى انكساراتك
:::
اشعار عماد زيور
الجمعة 22 مايو 2015
9:09 صباحا
:::
