و ف قلب الشوق لهاليبه
و ادي قمر الدين و زبيبه
و حلفت بسرعة اجيبه
و انقعه ليلة و ساعتين
هيدوب والنعمة مااسيبه
لا اشرب على طول لترين
الحر كبس و دا عيبه
راح و اصل للخمسين
...
و انده بوابنا اقوله
على عبده قوام اوصله
بعد صباحك طبله
هات فورا بطختين
و تكون حمرا و نقاوة
و تاخدها ع السكين
راح ناكل جبنه معاها
و نطري ب خيارتين
ده الحر بنفسه نداها
صفر لها صفارتين
...
الدش حبيبي و غالي
و المية بتطلع عالي
بموتور كهربا و هدالي
الراحة ف دقيقتين
في الحر بناره و ويله
ماشين نايمين قاعدين
تكيفنا اللي يغنيله
على طول احنا مواعدين
و احنا لربنا ندعيله
يحشرنا مع الصالحين
:::
(عماد زيور)
