“ماتت وسابتهالكم”.. عايدة غنيم تفجر مفاجأة عن أزمات في حياة سهام جلال

خرجت الفنانة عايدة غنيم منهارة حزنًا على  وفاة صديقتها المقربة الفنانة سهام جلال، وذلك من خلال مقطع فيديو عبر حسابها الرسمي على موقع تيك توك، لتكشف بهذا الفيديو عن أزمات في حياة سهام جلال قبل وفاتها.

عايدة غنيم تفجر مفاجأة عن سهام جلال

حيث قالت عايدة غنيم موضحة: “سهام ماتت وسابتهالكم، يارب ترتاحوا أو ارتاحوا بشع وطمع وتقطيع في بعض، أقسم بالله لغاية لما روحت المستشفى أنا مكنتش مصدقة، كان نفسي تطلع إشاعة، فجأة مشوفتش قدامي غير الناس اللي بتقطع في بعض وبتاكل في بعض وبتتكلم في ضهر بعض، كل ده عشان الفلوس وشان حاجات مالهاش أي لازمة، نسينا ان الدنيا دي مالهاش أمان، وأن البني أدم ممكن في لحظة ينام وميصحاش تاني، أنا مش قادرة أستوعب، بس بقولكم اطمنوا لكل واحدة اتكلمت في ضهرها، وعايزة أقولكم حاجة هي لآخر لحظة كنتوا أنتوا أخصامها عند الله، وقايلالي بالاسم، أنا بس قولت أقولكم يارب ضميركم يكون مستريح، وتقدروا تناموا على المخدة كده وأنتوا كنتوا ظلمينها أو افتريتوا عليها للأسف أنا مش قادرة أقول أساميكم لأنكم أنتوا صحابي”.

عايدة غنيم: “سهام أنضف بني أدمة”واستكملت عايدة غنيم حديثها قائلة: “بس أنا سهام بالنسبالي كانت أنضف بني أدمة، اتظلمت كتير من أقرب الناس ليها ومن ناس كانوا عاملين أنهم أصحابها، كانت أقرب حد ليا، كانت البني أدمة الوحيدة اللي كنت بتصل أفضفض معاها في حاجات كتير أوي، أنا كان نفسي أشوفها بجد قبل ما تموت، ياريت تدعولها وتقرولها الفاتحة ربنا يتجاوز عن سيئاتها ويديها على قد نيتها، ويعوضها في الآخرة عن اللي هي شافته في الدنيا، أنا عمري ما توقعت ولا تخيلت أني ممكن أطلع بالمنظر ده واتكلم في حاجة زي كده، أنا من قهرتي وحرقة قلبي بجد مش قادرة نفسي أقولكم واحد واحد وواحدة واحدة، بجد الله يسامحكم على كل حاجة أنتوا عملتوها فيها، بس هي مش مسامحاكم، هي راحت للأحسن مني ومنكم اللي هيجيبلها حقها، وأنتوا ربنا يعينكم على نفسكم بجد”.

مصدر مقرب من سهام جلال يكشف لـ “نيوز رووم” مفاجأة عن وفاتها

وقد رحلت عن عالمنا منذ قليل الفنانة سهام جلال متأثرة بخضوعها لعملية جراحية أدت إلى وفاتها خلال الساعات الماضية، وكشف مصدر مقرب من سهام جلال عن بعض التفاصيل الخاصة التي أدت إلى خضوعها للعملية الجراحية ، مشيرا في حديثه أن الأشعة والتحاليل كانت لا تؤهلها للخضوع إلى العملية .

وقال المصدر في تصريحاته لنيوز رووم : الأشعة والتحاليل اللي اتعلمت ماكنتش تأهلها إنها تعمل عملية، ولكن الدكتور وهي  قرروا إنها تعمل العملية علشان كانت تعبانة ، وخرجت من العملية عضلة القلب عندها ضعفت، ودخلت العناية المركزة وعملوا إنعاش للقلب، واشتغل تاني وبعدها وقف وماتت .

الحياة نيوز موقع إخباري شامل يهتم بتغطية كافة الأحداث على المستوى الدولي والمحلي ورصد أهم الأخبار والاقتصاد أسعار الذهب ،البورصة المصرية ،أخبار الرياضة ،محافظات ، حوادث ، أخبار التعليم .